團購試做 ----- Beauty Forever(太古)

係Hokobuy見到啲相，真係好靚！

趁佢7折，忍唔住買左3次試！

我已經試完三次！

今次一坐低就有薏米水飲，上一次係羅漢果茶！

佢會係間房同你講今日做咩療程！

我第一次係Spa + 按摩！

會比幾程唔同既精油或者浴鹽你揀！

話埋比你聽唔同功效！

 Spa 房，有啲失望，
唔係用木或者石既浴缸，
但衝力夠，我揀左牛奶，成樽倒落去！
我第一次話可以熱多少少，佢第二次有主動問我係咪想熱啲！
基本上15分鐘，佢有講叫我唔好關門，10分鐘左右會入黎問下我情況，無咩就浸多5分鐘！
浴缸上有杯凍茶及毛巾，以防你熱得制可以敷下！
好細心！

完左SPA，去做按摩之前，就係去厠所喇！

但佢個廁所好特別，好似洗手盤！

紙巾都係扔係左手垃圾桶！沖廁洗手都係水龍頭…

呃… 我成日唔記得扔左紙巾落去…

可想而知…算…唔想諗…

咁按摩房個度我無特別影！

你每次做完一個療程都有人係出面等你，

再帶你去另一個地方！服務好好！

我第一次，按摩手勢係我試過最舒服，

佢穴位好準確！

同埋我鐘意佢唔係好stubborn，我話佢知我肩胛、手臂同小腿都比較痠！

佢就集中同我做呢幾個位！無一定要我做前面按肚啊個啲！

因為45分鐘我係唔夠，佢再分埋比肚、胸，個人表示到喉唔到肺！

第二次，我係將兩次當一次用，

SPA + MASSAGE + FACIAL

咁按摩一如以往都係咁舒服，咁岩都係上次個嬸嬸！

上次佢都教左我一啲平時可以做既運動！

佢無sell我！最多都係傾兩句！

當然佢都有講話我可以做多啲按摩！但就一句姐！

FACIAL佢比我做左個機+人手FACIAL.

機類似鏟皮機去角質，有比我睇啲水濁左！

唔…咁都正常，我易出油！都污糟啦！

但佢做完係滑左既！

之後按面前，有做水份測試，

佢好細心咁幫我做，同埋面個啲穴位都有按到，

我之前去OASIS做，九成都HEA按我…

同埋佢差不多每做一樣野前都講一聲，

可能有人覺得係應該，但老實，我自己係六七間試過，

買Package或者團購，我係試過呢間同Organic Beauty係咁！

咁佢按完，水份測試係高左成10-20都有！

我做個一個半鐘，佢一句都無sell過我！

我好舒服咁完左一個facial.

出到去佢有糖水，紅豆沙或者雪梨水，

咁當然會同你介紹療程，

但因為我自己有啲心絲絲想買，所以…嗯…比左錢

希望佢唔係買左Package就差左！

佢有中環、太古、觀塘…咁我係做太古！

大家都不妨一試呢一間！

*我所謂既唔HARD SELL係佢係做FACIAL過程無SELL我，另我享受到好舒服既服務！

但如果你係一兩句都頂唔住既，咁就無辦法！始於佢打開門做生意，

你話完全唔SELL你就無可能！但唔係唔比你走，逼到你要交卡，

佢通常係最後個次落力啲SELL，多次數唔得就少啲次數，

我諗你堅持話無錢，佢都唔會煩你！

韓國代購 10月4日會到韓國

韓國代購

運費自付！

如有需要，請留言或EMAIL詢問!謝謝

美心流心奶黃月餅2018

美心流心奶黃又黎喇！

1張 $270

10張或以$260 1張

50張或以上 $250 1張

取餅日期6/9開始…拎完就可以比親朋戚友！正

有問題可EMAIL: rosecaka@gmail.com

M記-Shake Shake

都係衝住Shake Shake試下架咋！每年一次嘛！

真心，呢個set係咩垃圾黎！

加大$9.5.

杯紅豆冰甜到我飲左兩啖，頂唔順…

有紅豆味，有少少雲呢拿味，佢味道咪就係M記紅豆批既味，一模一樣既！

但食紅豆批唔覺咁甜！奶味無咩(個人唔太喜歡奶，所以呢點我鐘意)，但無味都中和唔到紅豆既甜度啊大佬！

麥樂雞飛，都係咁！個蜜糖芥末OK啊！甜甜地，少少嗆鼻，我拎埋黎點薯條！

講返薯條，真係愈黎愈差，我諗再遲啲開始好似像筋架喇！自從被收購，愈質素都真係差左，明顯地！唉…

Shake shake粉，我揀左蜜糖BBQ，呃…唔香…好像一包比味精好啲既味精囉！唔知咩黎講真！往年覺得好食架，雖然都係唔健康既野！

但好食而唔健康，同唔好食又唔健康係好大分別！><

華御結

   

                黑胡麻丸子   $1X

                有啲失望，唔係話純淨芝麻香味！鹹鹹地咁！

                 我鐘意食日本野，但好多野日本野都用甜甜鹹鹹做菓子！

                 我個人接受唔到個個味道，吊味同共存係兩回事！我食唔到太甜！(但我期望係甜)

                  一直被鹹味影響，芝麻味唔係好出個隻，有時有，有時食唔到芝麻味！

                  外皮唔夠軟熟，無咩彈性個款！

  

                7月新品，沖繩風豚角煮

                因為我放左自己雪櫃一日，溫度稍有唔同，米硬左少少，

                豚角幾香，唔係好鹹，肉味唔突出，但算大舊！

                最鐘意呢間係佢好簡單！一塊好香既海苔包住飯，係淡味食品，但因為海苔變得好                    味！唔需要豉油既粉飾！當然，現代人唔可以話咩都唔擺入去！

                 但$16，佢呢舊卡路里都係百幾，當下午茶、早餐都好正！

結論：

自己好鐘意食華御結既飯團，一個月都買幾次，早餐、午餐都會，有時放工又會突然想食，HAHA…

佢其實好簡單！一塊原味海苔，又脆又香，加埋珍珠米，軟韌有咬口，入面既餡好少，但一個月都會轉下主題，比你試下唔同日本地方既風味！我有去唔同地方旅行既感覺！

老實，佢餡料好少架，都係填大家既口腹之慾，佢重點都係塊海苔同飯。

你問我正唔正宗?我唔識答，但我識答，佢好岩我口味，唔係食得好濃味既人真係可以一試！

來一鍋

                                         

聚會都唔知這食咩好，地點定左銅鑼灣！

上Openrice睇下，又到HOKOBUY同YAHOO團購睇下！

幾間，揀左呢間試！咁輕食就百一左右啦！有海鮮就貴成倍！

我地揀左海鮮放題！

鍋底 (請選擇) Soup Base:

酸菜卜卜蜆鍋 (清湯)

冬瓜白肉卜卜蜆鍋 (清湯)

喇沙海鮮鍋 (辣)

冬陰功海鮮鍋 (辣)

花膠螺頭雞鍋 (濃湯)

胡椒豬肚椗鍋 (濃湯)

印度椰子雞鍋 (濃湯)

四川麻辣野菌鍋

湖南香辣牛坑腩干鍋

麻辣雞干鍋

本來想試椰子雞，但海鮮我地又想試返清湯！

所以叫左各瓜白肉卜卜蜆鍋，唔！無咩鮮味！

大家食過蜆既人都知這，正常係個煲度煲這蜆，個湯都會鮮！

但呢個真係一啲都無，唔算話好清囉！有少少微鹹！

好多芹菜！但有兩三舊大豬骨，啲豬骨都OK！我見佢有舊連筋，忍唔住食左少少！

蜆都唔特別好食，好似人地叫先加啲芹菜、蜆咁！唔係一齊煲這既味囉！

But anyway,it's not the main point la,haha⋯所以我算！

佢啲響玲同魚皮來左每樣三件，我地三個人，所有野寫一份！

響鈴係好Surprise咁長同大件，但佢長過個煲，老實，唔整斷佢都浸唔到！

但整斷左就好多碎，因為佢好薄！唔係捲土土田厚個隻，但用心，香口，都索得勁！

魚皮浸左浸就食，外軟內脆，又香魚皮味，不過打邊爐一舊起兩舊止！

手打丸（墨魚丸、豬肉丸、牛丸），墨魚滑釀豆腐，

雲吞，釀香菇

手打丸：我只食左豬肉丸同墨丸，話唔到比你地知這牛既味道，抱歉！豬肉丸咬落去有啲脆同有豬既肉味！我食左兩粒！HEHE！墨丸就彈牙，但墨魚味還可以！

墨魚滑釀豆腐卜：好好味，豆腐卜索味，墨魚滑彈牙！夾埋唔錯！

                 雲吞：Suppose係三款，普通蝦雲吞同韮菜水餃！另一個係羊城水餃！三款都好好味！皮薄！入味餡料係算結實個種！食到菜既甜！

手工豬肉釀冬菇：呢個超正！冬菇味好勁，加埋肉既甜味！另我回味無窮！

可惜呢盤係定款，只有一碟架咋！唔係任食！

燈⋯燈⋯燈⋯燈⋯重點黎喇！

冰上，我鐘意！

中蝦、帶子、象拔蚌仔、青口、貴妃蚌、龍躉魚片各三！

中蝦：雖小，但蝦味同鮮味都足夠令人滿意！

帶子：有鮮味同甜味！但係微微！煮完好細隻，裙邊又好靭，當然未必關間店事！

青口：普通野，無咩話好食唔好好食！

象拔蚌：我只能話厚肉，無咩味！無鮮味、無甜味、無臭味⋯

白菜仔唔錯，都幾甜！

飲品都係烏龍茶、檸C、忌廉梳打、提子汽水、橙汽水…都係個啲！

牛肉：無咩牛味！又唔滑…><

脆鯇：唔新鮮，一定係雪過夜，我打邊爐咁耐，留返第二日食個啲魚就係咁，好鞋…無晒魚個種嫩滑，肉散晒

豬腩肉：食豬得呢款，黑豚肉要另外加錢架！都知道無咩好食！唔算好肥，但真係無味！

總結：

唔需要去試囉！真係無必要！試輕食，$128個個就OK既，

傾下計，平平地，飲下野OK！但無必要二百幾蚊去試呢個海鮮Set.

我Whatsapp訂位都幾快，同埋對方都有禮貌！店內侍應大禮貌，但佢地安排左我地去個外圍位，有板圍住中間，咁有時搵侍應就無人理！><

地址：銅鑼灣堅拿道西10號冠景樓2樓A號舖

電話：

238963992389689962289270 (Whatsapp)

金金日式燒肉店

有機蔬菜盛合    $48

因為都想食下菜，就叫左蔬菜，佢有分雜菇定雜菜。咁睇相都知我地係叫左雜菜！

我地估唔到係黎左一個細鐵盤，有舊牛油！啲菜係放入去由佢燒！

隔住個鐵盤當然係無咁易燶，但係唔小心睇住都一樣會架！因為牛油燒到無晒，蔬菜底都係一片啡黑色，OMG！！

無咩需要唔使叫，無咩特別，同埋蘿蔔都唔會熟到！

香草牛油大蘑菇    $38

我地都叫左個大菇，但有啲失望！

首先就無咩菇味啦！牛油又唔夠香，所以我下次唔會叫架喇！

岩鹽青檸豚腩肉   $48

都幾平，有8塊！未燒檸檬味還可以，

但食落就好清香既檸檬味，肉味還可以，

我個人認為唔算好肥膩，當然你一個人食一碟就唔同講法喇！

同埋雖然話岩鹽，但唔係話勁鹹，只係舌尖有一下鹹味就係清香微酸既檸檬香氣，中和左五花腩既肥啦！

下次會再叫的食物之一！

豬頸肉   $63
(鹽蔥／辛口／青檸岩鹽燒／味噌燒）

有四種口味！我地叫左味噌燒！

肉質就厚薄適中，唔係勁薄個啲！

食落都有啲厚度同脆度，味噌燒味我唔太記得，sorry,離我食呢餐都成個月！

鹹甜鹹甜咁！豬項肉都值得一試！都係約也塊左右，長短不一架下！

芝士櫻花黑豚肉卷    $58

圓形豚肉片摺左，灑上芝士粉，六塊！

好薄，好快就食得，燒個淨跌左唔少粉，我仲有啲肉痛添！

但都仲有芝士味，唔濃，仍然食到肉既味道！

櫻花我唔知係咩意思，初初睇錯以為係櫻花蝦，但點搵都搵唔到半隻蝦睇下！

肥瘦適中，鐘意芝士味既人可以一試！

和牛

Sorry，呢個係老闆拎黎，我都唔知係邊一款！

但好果這佢百幾蚊，我會寧願食返普通牛，
呢款真係無咩特別肉香味！

我個唔會再叫！

香蔥薄切牛舌    $68

好薄，要小心燒，顏色都幾紅！

我沿用返之前台灣燒牛舌既時間，我在15秒左右，唔可以全熟，全熟個下入口己這經有啲乾。

老實，佢味道不及台灣乾杯，無咩特別味道，亦唔騒！

首次去都值得一試既！

雞泡魚乾配黑松露沙律醬   $58

佢唔係話好乾，仲有啲軟熟，

我可能味覺有啲問題，

覺得似豬肉乾，但就薄啲同香啲！







環境幾日式居酒屋，但係佢就闊落好多，坐得好舒服！

但如果想要飲酒既人士就會失望啲，佢申請緊酒牌，所有未有酒賣，
但係可以自己買酒上去飲，暫時無另外收費！

服務態度都可以，佢侍應算多，所以一揚手就有人理，但如果這要加茶佢就好少會主動加，通常都要自己舉手，但接受到！

有時會主動換網比你，有時就要自己講喇！但因為無豬皮可以搽下個網面，好易痴網，咁更易要換！我地換左兩次。

但總體覺得唔錯，佢啲牛肉味OK！但價錢屬於平價！幾十蚊一碟咋喎！肉味分分鐘比牛角好，但牛角貴呢！




地址：
香港銅鑼灣怡和街2-6號英光大廈3樓全層
電話︰2659 8318