呢個係我第一個登記的問卷網。
Global Market之前個Offer其實唔錯！
以前多問卷,而且可以換錢。
個陣1000分，佢會有USD$50，約港幣三百幾
佢寄支票到屋企，自己去中信銀行兌(佢收手續費，所以三百二十左右)
係我玩所有問卷網最好賺的一個。
但依家無呢支歌仔唱，問卷唔少！
但基本上三個有兩個都係問你兩句就話你唔岩！
(但都好過做到一半先話你唔合乎條件)
以前唔合乎條件，都有分送返架！依家係咩都無既！有時做完淨係比你抽次獎就算
而且你一家人，只可以開一個戶口！
個陣我屋企開左兩個戶口，換分個陣，佢話同一個地址，兩個戶口都取消左
仲唔比我兌換返啲積分，加埋都成幾百架！
所以我唔太建議大家玩，因為做好耐都未必換到一張$50卷。
咁如果大家都係想試下的話，都係填資料，再入EMAIL鏈結返架咋！
