 |
因為都想食下菜，就叫左蔬菜，佢有分雜菇定雜菜。咁睇相都知我地係叫左雜菜！
我地估唔到係黎左一個細鐵盤，有舊牛油！啲菜係放入去由佢燒！
隔住個鐵盤當然係無咁易燶，但係唔小心睇住都一樣會架！因為牛油燒到無晒，蔬菜底都係一片啡黑色，OMG！！
無咩需要唔使叫，無咩特別，同埋蘿蔔都唔會熟到！
香草牛油大蘑菇 $38
我地都叫左個大菇，但有啲失望！
首先就無咩菇味啦！牛油又唔夠香，所以我下次唔會叫架喇！
都幾平，有8塊！未燒檸檬味還可以，
但食落就好清香既檸檬味，肉味還可以，
我個人認為唔算好肥膩，當然你一個人食一碟就唔同講法喇！
同埋雖然話岩鹽，但唔係話勁鹹，只係舌尖有一下鹹味就係清香微酸既檸檬香氣，中和左五花腩既肥啦！
下次會再叫的食物之一！
(鹽蔥／辛口／青檸岩鹽燒／味噌燒）
有四種口味！我地叫左味噌燒！
肉質就厚薄適中，唔係勁薄個啲！
食落都有啲厚度同脆度，味噌燒味我唔太記得，sorry,離我食呢餐都成個月！
鹹甜鹹甜咁！豬項肉都值得一試！都係約也塊左右，長短不一架下！
圓形豚肉片摺左，灑上芝士粉，六塊！
好薄，好快就食得，燒個淨跌左唔少粉，我仲有啲肉痛添！
但都仲有芝士味，唔濃，仍然食到肉既味道！
櫻花我唔知係咩意思，初初睇錯以為係櫻花蝦，但點搵都搵唔到半隻蝦睇下！
肥瘦適中，鐘意芝士味既人可以一試！
Sorry，呢個係老闆拎黎，我都唔知係邊一款！
但好果這佢百幾蚊，我會寧願食返普通牛，
呢款真係無咩特別肉香味！
我個唔會再叫！
好薄，要小心燒，顏色都幾紅！
我沿用返之前台灣燒牛舌既時間，我在15秒左右，唔可以全熟，全熟個下入口己這經有啲乾。
老實，佢味道不及台灣乾杯，無咩特別味道，亦唔騒！
首次去都值得一試既！
佢唔係話好乾，仲有啲軟熟，
我可能味覺有啲問題，
覺得似豬肉乾，但就薄啲同香啲！
環境幾日式居酒屋，但係佢就闊落好多，坐得好舒服！
但如果想要飲酒既人士就會失望啲，佢申請緊酒牌，所有未有酒賣，
但係可以自己買酒上去飲，暫時無另外收費！
服務態度都可以，佢侍應算多，所以一揚手就有人理，但如果這要加茶佢就好少會主動加，通常都要自己舉手，但接受到！
有時會主動換網比你，有時就要自己講喇！但因為無豬皮可以搽下個網面，好易痴網，咁更易要換！我地換左兩次。
但總體覺得唔錯，佢啲牛肉味OK！但價錢屬於平價！幾十蚊一碟咋喎！肉味分分鐘比牛角好，但牛角貴呢！
地址：
香港銅鑼灣怡和街2-6號英光大廈3樓全層
電話︰2659 8318
